Unkel Remus Well weer dat ???
Well weer dat? Wi weten ´t ja all mit ´n anner, dat vör lange Tieden na ´t Süden hen van dat Land, dat wi vandage as de Vereenigde Staaten van Amerika kennen, over Afrikaaners as over Waren hannelt wurr, de do as Slaven arbeiden mussen. Disse Swarten brochen neet blot hör Arbeidskrachten van Afrika mit, man ok heel völ van hör egen Kultuur. Een Deel van disse Kultuur weren Seggen, Staaltjes un anner Utdenksels van darent, war se van ollersher anseten west weren.
Mennigeen van de Slaven harr ´t bi sien of hör Baas de hum of hör up de Slavenmarkt köfft harr, neet good truffen, annern beter. Een van de, de ´t beter truffen harr, weer de Slaav Remus. As de nu ´n Bült Jahren as Slaav achter d´ Rügg harr un old worden weer, seet he ´s Avends in sien Huuske, - of sull ´n beter van ´n Hüttje proten? -, un rookde sien Maiskolfpiepke.
Johnny weer de Söhn van sien Baas, de Bezitter van een Kattuunplantage, up de Remus lange Jahren arbeid´t harr. Elke Avend, ehr ´t Etenstied weer, gung de Jung rover to sien ´Unkel Remus´ un leet sük van hum Verhaaltjes vertellen. Unkel Remus weer ´n kloke un sinnige Verteller. He harr so völ Seggen in sien Kopp, dat Johnny ´t haast unbegriepelk dünkde. Unkel Remus wuß ´t alls over Deren, verstunn hör Spraak, kennde hör Egenheiden un tegensiedig Upföhren un Verhollen. Dat weer sien afrikaans anarvde Anlaag.
Een van de Deren, de dör all Gaten kropen weer, de de krachtergste Deren wat annaihde, de, wenn ok man lüttjet un minnermachterg, kumpabel weer, groter Deren as he sülvst an de Nös herumtoföhren, weer de Haas, weer ´Brör Matten´. Van sien Malljageree mugg Unkel Remus besünners geern vertellen, un he kunn ´t ok pläseerelk anbrengen. Sull dat Leven van Unkel Remus un Brör Matten ´n bietje wat gliek west wesen? Beid harren s´ ja tominnst alltieds flinke Hannen un Foten hebben mußt, un flinke Ogen un upsteckt Ohren. Un wat harr dat all hulpen, dör de Tied to komen sünner ´n scharp Verstand?
lg det Linchen
-------------------
Glória Patri et Fílio et Spíritui Sancto:
Sicut erat in princípio et nunc et semper et in sæcula sæculorum.
Amen.
Mennigeen van de Slaven harr ´t bi sien of hör Baas de hum of hör up de Slavenmarkt köfft harr, neet good truffen, annern beter. Een van de, de ´t beter truffen harr, weer de Slaav Remus. As de nu ´n Bült Jahren as Slaav achter d´ Rügg harr un old worden weer, seet he ´s Avends in sien Huuske, - of sull ´n beter van ´n Hüttje proten? -, un rookde sien Maiskolfpiepke.
Johnny weer de Söhn van sien Baas, de Bezitter van een Kattuunplantage, up de Remus lange Jahren arbeid´t harr. Elke Avend, ehr ´t Etenstied weer, gung de Jung rover to sien ´Unkel Remus´ un leet sük van hum Verhaaltjes vertellen. Unkel Remus weer ´n kloke un sinnige Verteller. He harr so völ Seggen in sien Kopp, dat Johnny ´t haast unbegriepelk dünkde. Unkel Remus wuß ´t alls over Deren, verstunn hör Spraak, kennde hör Egenheiden un tegensiedig Upföhren un Verhollen. Dat weer sien afrikaans anarvde Anlaag.
Een van de Deren, de dör all Gaten kropen weer, de de krachtergste Deren wat annaihde, de, wenn ok man lüttjet un minnermachterg, kumpabel weer, groter Deren as he sülvst an de Nös herumtoföhren, weer de Haas, weer ´Brör Matten´. Van sien Malljageree mugg Unkel Remus besünners geern vertellen, un he kunn ´t ok pläseerelk anbrengen. Sull dat Leven van Unkel Remus un Brör Matten ´n bietje wat gliek west wesen? Beid harren s´ ja tominnst alltieds flinke Hannen un Foten hebben mußt, un flinke Ogen un upsteckt Ohren. Un wat harr dat all hulpen, dör de Tied to komen sünner ´n scharp Verstand?
lg det Linchen
-------------------
Glória Patri et Fílio et Spíritui Sancto:
Sicut erat in princípio et nunc et semper et in sæcula sæculorum.
Amen.